9 மே, 2014

மாட்ரிட் ஓபன்: காலிறுதியில் லீ நா, செரீனா

வெள்ளி, 09 மே 2014 16:36

மாட்ரிட் ஓபன் டென் னிஸ் போட்டியின் மகளிர் பிரிவு காலிறுதிச்சுற்றுக்கு சீனாவின் லீ நா, அமெரிக் காவின் செரீனா வில்லி யம்ஸ், செக் குடியரசின் பெட்ரோ குவிட்டோவா ஆகிய வீராங்கனைகள் முன் னேறியுள்ளனர்.

மாட்ரிட் நகரில் வியா ழக்கிழமை நடைபெற்ற 3ஆம் சுற்று ஆட்டத்தில் லீ நா 2-6, 6-3, 6-2 என்ற செட்களில் அமெரிக்காவின் ஸ்லோனே ஸ்டீபான்ஸ வீழ்த்தினார்.

பெட்ரா குவிட்டோவா 6-4, 6-3 என்ற நேர் செட்களில் சக நாட்டைச் சேர்ந்த லூசியா சஃபரோவாவை தோற்க டித்து அடுத்த சுற்றுக்கு முன் னேறினார்.

மற்றொரு ஆட்டத்தில் போட்டித் தரவரிசையில் முதல் இடத்தில் உள்ள செரீனா 6-2, 6-3 என்ற நேர் செட்களில் ஸ்பெயினின் சவு ரஸ் நவரோவாவை தோற் கடித்து காலிறுதிக்கு முன் னேறினார். இப்போட்டி யின் காலிறுதிக்கு தொடர்ந்து 3ஆவது ஆண்டாக செரீனா முன்னேறியுள்ளது குறிப் பிடத்தக்கது.

வியாழக்கிழமை நடைபெற்ற ஆடவர் பிரிவு 3ஆம் சுற்றில் ஃபின்லாந்தின் ஜார்கோ நிமெய்னனை 6-1, 6-4 என்ற நேர் செட்களில் ஸ்பெயினின் நடால் தோற் கடித்தார். சமீபத்தில் நடை பெற்ற 2 டென்னிஸ் தொடர் களில் தொடக்க சுற்று களிலேயே தோல்வியைத் தழுவிய நடாலுக்கு இந்த வெற்றி புத்துணர்வை ஏற்படுத்தியிருக்கும்.

மற்ற ஆட்டங்களில் பிரிட்டனின் ஆன்டி முர்ரே 3-6, 2-6 என்ற நேர் செட்களில் கொலம் பியாவின் சான்டியாகோ ஜிரல்டோவிடம் தோற்று போட்டியிலிருந்து வெளி யேறினார். ஜப்பான் வீரர் நிஷிகோரி 7-6, 7-6 என்ற நேர் செட்களில் கனடாவின் மிலோஸ் ரயோனிக்கை தோற்கடித்தார்.

மகளிர் இரட்டையர் பிரிவு காலிறுதிச் சுற்றில் இந்தியாவின் சானியா மிர்சா-ஜிம்பாப்வேயின் காரா பிளாக் இணை 7-5, 1-6, 8-10 என்ற செட் கணக்கில் சீன தைபே இணையிடம் தோல்வியடைந்தது.

அர்ஜூனா விருதுக்கு 4 ஆக்கி வீரர்கள் பெயர் பரிந்துரை

புதுடில்லி, மே 9- இந்த ஆண்டுக்கான அர்ஜூனா விருதுக்கு இந்திய ஆக்கி வீரர்கள் ரகுநாத், தரம் விர்சிங், துஷர் கண்டேகர், முன்னாள் கேப்டன் பரத் சேத்ரி ஆகியோரின் பெயர் களை ஆக்கி இந்தியா அமைப்பு பரிந்துரை செய் துள்ளது.

பயிற்சியாளர்க ளுக்கு அளிக்கப்படும் துரோ ணாச்சார்யா விருதுக்கு, இந் திய ஜூனியர் பெண்கள் அணி யின் பயிற்சியாளர் ரோமேஷ் பதானியாவின் பெயர் பரிந் துரைக்கப்பட்டுள்ளது.

லா லிகா கால்பந்து போட்டி

லா லிகா கால்பந்து போட் டியில் வல்லடோலிட் அணிக்கு எதிரான ஆட்டத்தில் 1-1 என்ற கோல் கணக்கில் ரியல் மாட்ரிட் சமன் செய்தது.

இந்த ஆட்டத்தின் முதல் பாதியில் ரியல் மாட்ரிட் 1 கோல் அடித்து முன்னிலை யில் இருந்தது. இந்த கோலை 35ஆவது நிமிடத்தில் செர் ஜியோ ரமோஸ் அடித்தார்.

அதன் பிறகு இரு அணி வீரர்களும் ஆக்ரோஷமான ஆட்டத்தை வெளிப்படுத் தினர். ஆட்டம் முடிவதற்கு 5 நிமிடங்களுக்கு முன்பு வல்லடோலிட் அணியின் ஹம்பர்டோ ஒசாரியோ கோல் அடித்தார். இதனால், ஆட்டம் 1-1 என்று சமனில் முடிந்தது.

இந்த ஆட்டத்தை சமன் செய்ததன்மூலம், லா லிகா பட்டத்தை ரியல் மாட்ரிட் கைப்பற்றுவது கடினமாகி யுள்ளது.

தற்போதைய நிலையில் அட்லெடிகோ மாட்ரிட் 88 புள்ளிகளுடன் முதல் இடத் திலும், பார்சிலோனா அணி 85 புள்ளிகளுடன் 2ஆம் இடத்திலும் உள்ளன. ரியல் மாட்ரிட் 84 புள்ளிகளுடன் 3ஆவது இடத்தில் உள்ளது. இந்த மூன்று அணிகளுக் கும் இன்னும் 2 ஆட்டங்கள் மட்டுமே மீதம் உள்ளன.

எதிர்வரும் ஆட்டங்க ளில் அட்லெடிகோ மாட் ரிட்டும், பார்சிலோனாவும் நேர்த்தியான ஆட்டத்தை வெளிப்படுத்தி வெற்றி பெறும் என்பதால், ரியல் மாட்ரிட்டுக்கு சிக்கலை ஏற்படுத்தியுள்ளது.

Add new comment

தாமஸ் மற்றும் உபெர் கோப்பை: சாய்னா தலைமையில் மகளிர் அணி

வியாழன், 08 மே 2014 16:56

0 COMMENTS

டில்லியில் வரும் 18ஆம் தேதி முதல் 25ஆம் தேதி வரை நடைபெறும் தாமஸ் மற்றும் உபெர் கோப்பை போட்டிக்கு மகளிர் பிரிவை சாய்னா நெவாலும், ஆடவர் பிரிவை சிறீகாந்துக்கும் வழி நடத்திச் செல்ல உள்ளனர்.

உபெர் கோப்பை என்று அழைக்கப்படும் உலக மக ளிர் பாட்மிண்டன் வாகையர் பட்ட போட்டியில் விளையா டும் இந்திய அணியின் ஒற் றையர் பிரிவில் சாய்னாவைத் தவிர பி.வி.சிந்து, அருந்ததி பண்ட்வானா, தன்வி லாட், துளசி ஆகியோர் இடம் பிடித்துள்ளனர்.

இப்போட்டியின் இரட் டையர் பிரிவுக்கு ஜூவாலா கட்டா, அஸ்வினி பொன் னப்பா இணை தலைமை தாங்க உள்ளது. மேலும், அபர்னா பாலன், என். சிக்கி ரெட்டி, பிரதன்யா காட்ரே உள்ளிட்டோர் இரட்டையர் பிரிவில் பங்கேற்க உள்ளனர்.

தாமஸ் கோப்பை அல் லது உலக ஆடவர் பாட்மிண் டன் வாகையர் பட்ட போட் டியில் விளையாடும் இந்திய அணியில் சிறீகாந்த், பி.காஷ் யப், குருசாய் தத், சவுரவ் வர்மா, சாய் பிரணீத் ஆகியோர் ஒற் றையர் பிரிவிலும், பிரணவ் ஜெர்ரி சோப்ரா, அக்ஷய் தவல்கார், மனு அட்டரி, அருண் விஷ்னு மற்றும் சமீத் ரெட்டி ஆகியோர் இரட்டை யர் பிரிவிலும் இடம் பிடித் துள்ளனர்.

சர்வதேச அணிகள் பங் கேறும் இத்தொடரில் ஓர் அணி மற்றொரு அணியுடன் 5 ஒற்றையர் மற்றும் 5 இரட்டையர் ஆட்டங்களில் மோதும்.

இத்தொடரின் ஆடவர் பிரிவில் 16 அணிகளும், மகளிர் பிரிவில் 16 அணிகளும் பங் கேற்கின்றன. இரு பிரிவுகளி லும் இந்திய அணி சி பிரிவில் இடம் பிடித்துள்ளது.

இத்தொடரின் ஆடவர் மற்றும் மகளிர் என இரு பிரிவுகளிலும் நடப்புச் வாகையராக சீனா களமிறங் குகிறது. சீனாவைத் தவிர மலேசியா, இந்தோனேசியா ஆகிய அணிகள் கடும் சவாலை அளிக்கும் என்று எதிர்பார்க் கப்படுகிறது.

மாட்ரிட் ஓபன் சர்வதேச டென்னிஸ் போட்டி ஸ்பெயின் நாட்டில் நடந்து வருகிறது. இதில் நேற்று நடந்த இரட்டையர் 2ஆவது சுற்றில் இந்தியாவின் சானியா மிர்சா, ஜிம்பாப்வேயின் காரா பிளாக் இணை சிங் சான் (சீனத்தைபே)-ஸ்சீபர்ஸ் (தென் ஆப்பிரிக்கா) இணையை வீழ்த்தி கால்இறுதிக்கு தகுதி பெற்றது.

ஜப்பான் தலைநகர் டோக்கியோவில் நேற்று (7.5.2014) நடந்த ஏ.எப்.சி., கால்பந்து போட்டியில் கவாசாகி மற்றும் சியோல் அணிகள் மோதின. போட்டியில் விளையாடிய வீரர்கள்.

இலவச கைப்பந்து பயிற்சி முகாம்

சென்னை ஜாலி கைப் பந்து கிளப் மற்றும் மறை மலை நகர் அரிமா சங்கம் சார்பில் மறைந்த முன்னாள் இந்திய கைப்பந்து சம்மேளன தலைவர் டாக்டர் பா.சிவந்தி ஆதித் தன் நினைவாக பள்ளி, கல்லூரி மாணவர்களுக்கான இலவச கைப்பந்து பயிற்சி முகாம் நடத்தப்படுகிறது.

மறைமலைநகரில் உள்ள அரசு மேல்நிலைப்பள்ளி யில் தொடங்கிய இந்த முகாம் வருகிற 18ஆம் தேதி வரை நடக்கிறது. பயிற்சி முகாமை அரிமா சங்க மண்டல தலை வர் பி.சடகோபன், மறைமலை நகர் முன்னாள் தலைவர் ஏ.கே.தனசேகர் ஆகியோர் தொடங்கி வைத்தனர்.

அரிமா மாவட்ட தலைவர் கே.சுப்பிர மணியன் ஏற்பாட்டில் நடை பெறும் இந்த முகாமில் கலந்து கொண்டுள்ளவர்க ளுக்கு பயிற்சியாளர்கள் கண பதி, கவுரி ஆகியோர் பயிற்சி அளிக்கிறார்கள்.

தேசிய ஜூனியர் தடகள போட்டி சென்னையில் நாளை தொடக்கம்

சென்னை, மே 8- தமிழ் நாடு தடகள சங்கம் சார்பில் 12ஆவது பெடரேஷன் கோப் பைக்கான தேசிய ஜூனியர் (20 வயதுக்கு உட்பட்டோர்) தடகள வாகையர் பட்ட போட்டி சென்னை நேரு ஸ்டேடியத்தில் நாளை (9ஆம் தேதி) முதல் 11ஆம் தேதி வரை நடக்கிறது.

நாளை மாலை 4 மணிக்கு நடை பெறும் தொடக்க விழாவில் தமிழ்நாடு விளையாட்டு மேம்பாட்டு ஆணைய உறுப் பினர் செயலாளர் வி.கே. ஜெயக்கொடி சிறப்பு விருந்தி னராக கலந்து கொண்டு போட் டியை தொடங்கி வைக்கிறார். இந்த போட்டியில் நாடு முழுவதும் இருந்து 800 வீரர்வீராங்கனைகள் கலந்து கொள்கிறார்கள்.

இந்த போட் டிக்கான தமிழக அணியில் 32 வீரர்களும், 29 வீராங்கனை களும் இடம் பிடித்துள்ளனர். இந்த போட்டியின் அடிப் படையில், சீனதைபேயில் ஜூன் 12ஆம் தேதி முதல் 15ஆம் தேதி வரை நடை பெறும் ஆசிய ஜூனியர் தட கள வாகையர் பட்டபோட் டிக்கான இந்திய தடகள அணி தேர்வு செய்யப்படுகிறது.

Add new comment

சர்வதேச கைப்பந்து பயிற்சியாளர் முகாம் நிறைவு

புதன், 07 மே 2014 16:40

0 COMMENTS

சென்னை, மே 7- சென்னை நேரு ஸ்டேடியத்தில் செயல் பட்டு வரும் டாக்டர் சிவந்தி ஆதித்தனார் சர்வதேச கைப் பந்து சம்மேளன மண்டல வளர்ச்சி மய்யம் சார்பில் சர்வதேச கைப்பந்து பயிற்சி யாளர் (லெவல்-1) பயிற்சி முகாம் சென்னையில் இரண்டு வார காலமாக நடந்து வந் தது.

இதில் இந்தியா மற்றும் கென்யாவை சேர்ந்த பயிற்சி யாளர்கள், வீரர்கள் மொத் தம் 39 பேர் பங்கேற்றனர். அவர்களுக்கு பயிற்சி முகா மின் அறிவுரையாளர்களாக தாட்சுயா அடாச்சி (ஜப் பான்), சிறீதரன் (இந்தியா), பானிஸ்லாவ் மோரே (செர் பியா) ஆகியோர் இருந்து பயிற்சி அளித்தனர்.

இவர்க ளுக்கு செய்முறை தேர்வு நேற்று முன்தினமும், எழுத்து தேர்வு நேற்றும் நடந்தது. அதைத் தொடர்ந்து நடை பெற்ற நிறைவு விழாவில் காவல்துறை ஆணையர் எஸ்.ஜெயகுமார் சிறப்பு விருந் தினராக கலந்து கொண்டு சிறப்பு பரிசுகளையும், சான் றிதழ்களையும் வழங்கினார்.

நிகழ்ச்சியில் இந்திய கைப் பந்து சம்மேளன தலைமை செயல் அதிகாரி கே.முருகன் உள்பட பலர் கலந்து கொண் டனர்.

மாட்ரிட் டென்னிஸ் ரவுண்ட்-அப்

டென்னிஸில் முன்னாள் நம்பர்-1 வீராங்கனையும், ஒலிம்பிக்கில் வெள்ளிப் பதக்கம் வென்றவருமான ரஷ்யாவின் தினாரா சஃபினா (28) சர்வதேச டென்னிஸி லிருந்து ஓய்வு பெற்றார்.

இதுகுறித்து ரஷ்ய டென் னிஸ் சம்மேளனம் விடுத்த செய்திக்குறிப்பில், 12 டென் னிஸ் பட்டங்களை வென்ற சஃபினா டென்னிஸிலிருந்து ஓய்வு பெற்றார். மாட்ரிட் டென்னிஸ் போட்டியின் பரிசு வழங்கும் நிகழ்ச்சியில் அவர் கலந்து கொள்வார். அங்கு அவருக்கு வழியனுப்பும் நிகழ்ச்சி நடைபெறும் என்று தெரி விக்கப்பட்டது.

இது குறித்து அவர் கூறு கையில், எனது ஓய்வு முடிவை முன்னரே எடுத்து விட்டேன். எனது கடைசி போட்டி யாக மாட்ரிட் டென்னிஸில் விளையாடினேன். அதனால், இங்கு ஓய்வு பெறுவது சிறப்பாக இருக்கும் என்று கருதுகிறேன் என்றார்.

ஜூனியர் கூடைப்பந்து வாகையர் பட்ட போட்டி சென்னையில் நாளை தொடக்கம்

26ஆவது மாவட்ட அணி களுக்கு இடையேயான ஜூனி யர் கூடைப்பந்து வாகையர் பட்டப் போட்டி சென்னை யில் உள்ள செயின்ட் ஜோசப் பொறியியல் கல்லூரியில் வியா ழக்கிழமை தொடங்குகிறது.

4 நாள்கள் நடைபெறும் இப்போட்டி வரும் ஞாயிற் றுக்கிழமையுடன் நிறைவ டைகிறது.

18 வயதுக்குட்பட்டோ ருக்கான இருபாலர் பிரிவி லும் நடைபெறும் இப்போட் டியை தமிழ்நாடு கூடைப் பந்து சங்கத்துடன் இணைந்து செயின்ட் ஜோசப் கல்வி குழு மம் நடத்துகிறது.

மாணவர்கள் பிரிவில் 25 அணிகளும், மாணவிகள் பிரி வில் 20 அணிகளும் இப்போட் டியில் கலந்து கொள்கின்றன.

மாணவர் பிரிவில் சென்னை அணியும், மாணவிகள் பிரி வில் கோவை அணியும் நடப்பு வாகையராக களமிறங்கு கின்றன.

வெற்றி பெறும் அணிக்கு பரிசுத் தொகையாக ரூ. 10 ஆயிரம் வழங்கப்பட உள்ளது.

லீக் மற்றும் நாக் அவுட் முறையில் நடைபெறும் இப்போட்டியின் முடிவில், தமிழக ஜூனியர் அணிக்கான வீரர்கள் தேர்வு செய்யப்பட உள்ளனர். இந்த அணி, தேசிய அளவிலான ஜூனியர் வாகை யர் பட்டப் போட்டியில் பங்கேற்கும். இப்போட்டி கேரளத்தில் வரும் 26ஆம் தேதி முதல் ஜூன் 2ஆம் தேதி வரை நடைபெறுகிறது.

சானியா இணை வெற்றி

மாட்ரிட், மே 7- மாட்ரிட் ஓபன் டென்னிஸ் தொடரின் முதல் சுற்றில் இந்தியாவின் சானியா, ஜிம்பாப்வேயின் காரா பிளாக் இணை வெற்றி பெற்றது.

ஸ்பெயின் தலைநகர் மாட்ரிடில் சர்வதேச ஓபன் டென்னிஸ் தொடர் நடக் கிறது. இதன் பெண்கள் இரட் டையர் பிரிவு முதல் சுற்றில் இந்தியாவின் சானியா, ஜிம் பாப்வேயின் காரா பிளாக் இணை, கனடாவின் கேப்ரி யலா, போலந்தின் அலிஸ்ஜா ரோஸ்லாகா இணையை சந்தித்தது.

முதல் செட்டை 6-1 என எளிதாக கைப்பற்றிய சானியா இணை, இரண் டாவது செட்டை 5-7 என பறி கொடுத்தது. வெற்றியாளரை நிர்ணயிக்க போட்டி சூப்பர் டைபிரேக்கர் சென்றது. இதில் அசத்திய சானியா இணை 10-7 என வசப்படுத் தியது.

முடிவில் சானியா, காரா பிளாக் இணை 6-1, 5-7, 10-7 என்ற செட் கணக்கில் வெற்றி பெற்று, இரண்டாவது சுற் றுக்கு முன்னேறியது

14 ஏப்., 2014

சென்னை அய்.டி.எப். டென்னிஸ்: இந்திய வீராங்கனை பிரார்த்தனா வாகை சூடினார்

ஞாயிறு, 13 ஏப்ரல் 2014 16:09

0 COMMENTS

சென்னை, ஏப். 13- கே.எஸ். நாராயணன் நினைவு பெண் களுக்கான அய்.டி.எப். டென் னிஸ் போட்டி சென்னை எழும்பூரில் உள்ள மேயர் ராதாகிருஷ்ணன் ஸ்டேடியத் தில் நடந்தது. இதன் பெண் கள் ஒற்றையர் பிரிவில் நேற்று நடந்த இறுதிப்போட் டியில் இந்திய வீராங்கனை கள் பிரார்த்தனா ஜி.தோம்ப ரேஈடீ மேத்தா ஆகியோர் மோதினார்கள்.

விறுவிறுப் பான இந்த ஆட்டத்தில் முதல் செட்டை ஈடீ மேத்தாவும், 2ஆவது செட்டை பிரார்த்தனா வும் சொந்தமாக்கினார்கள். பரபரப்பான கடைசி செட்டில் ஈடீ மேத்தா 4-1 என்ற முன்னிலை பெற்றதால் அவர் தான் வெற்றியை ருசிப் பார் என்று எதிர்பார்க்கப் பட்டது.

ஆனால், அதன் பின் னர் விறுவிறுப்பாக ஆடிய பிரார்த்தனா டைபிரேக்கர் வரை சென்ற அந்த செட்டை தன்வசப்படுத்தியதுடன், வாகையர் பட்டத்தை கைப் பற்றினார். 3 மணி நேரம் நீடித்த இந்த ஆட்டத்தின் முடிவில் பிரார்த்தனா தோம் பரே 4-6, 6-3, 7-6 (7-5) என்ற செட் கணக்கில் ஈடீ மேத் தாவை வீழ்த்தி வாகையர் பட்டத்தை சொந்தமாக்கி னார்.

வாகையர் பட்டம் வென்ற பிரார்த்தனாவுக்கு 12 தர வரிசை புள்ளிகளுடன் ரூ. 93 ஆயிரமும், 2ஆவது இடம் பெற்ற ஈடீ மேத்தா வுக்கு 8 தர வரிசை புள்ளிக ளுடன் ரூ.59 ஆயிரமும் கிடைத்தன.

சிங்கப்பூர் ஓபன் போட்டி: அரையிறுதியில் சிறீகாந்த் தோல்வி

சிங்கப்பூர் ஓபன் பாட் மிண்டன் போட்டியின் அரை யிறுதியில் இந்தியாவின் சிறீகாந்த், மலேசியாவைச் சேர்ந்த முன்னணி வீரர் லீ சாங் வீயிடம் தோல்விய டைந்து வெளியேறினார்.

சிங்கப்பூர் சூப்பர் சீரிஸ் பாட்மிண்டன் தொடரின் முதல் சுற்றிலேயே இந்திய வீராங்கனை சாய்னா தோல் வியடைந்தார். ஆந்திரத்தைச் சேர்ந்த மற்றொரு வீராங் கனை பி.வி.சிந்து காலிறுதி யில் வெற்றியைப் பறிகொடுத் தார்.

ஆடவர் பிரிவில் தொடர்ந்து வெற்றி பெற்று வந்த கிடாம்பி சிறீகாந்த், சனிக்கிழமை நடைபெற்ற அரையிறுதியில் தரவரிசை யில் முதலிடத்தில் உள்ள லீ சாங் வீயை சந்தித்தார். ஆரம்பத்தில் இருவரும் சவா லான ஆட்டத்தை வெளிப் படுத்தினர்.

முதல் செட்டில் 19-16 என முன்னணியில் இருந்த சிறீகாந்த் அதைத் தக்க வைக்கத் தவறினார். இதனால் 21-19 என லீ சாங் வீ முதல் செட்டைக் கைப்பற் றினார். 42 நிமிடங்கள் நடை பெற்ற இந்த ஆட்டத்தில் சிறீகாந்த் தோல்வியடைந்தார்.

துப்பாக்கிச் சுடுதல்: தங்கம் வென்றார் மனவ்ஜித் சிங்

சர்வதேச துப்பாக்கிச் சுடுதல் விளையாட்டு கூட்ட மைப்பு (அய்எஸ்எஸ்எஃப்) நடத்திய ஷூட்கன் உலகக் கோப்பைப் போட்டியில், ஒலிம்பிக்கில் இரண்டு முறை வாகையர் பட்டம் வென்ற மைக்கேல் டைமண்டை வீழ்த்திய இந்திய வீரர் மனவ் ஜித் சிங் தங்கப் பதக்கத்தை வென்றார்.

அமெரிக்காவின் டஸ்கன் நகரில் நடைபெற்ற இப்போட்டியின் இறுதிச் சுற்றில், ராஜீவ் கேல் ரத்னா விருது வென்ற மனவ்ஜித் சிங்குக்கும், 1996 அட் லாண்டா ஒலிம்பிக் மற்றும் 2009 சிட்னி ஒலிம்பிக்கில் தங்கப் பதக்கம் வென்ற ஆஸ் திரேலியாவின் மைக்கேல் டைமண்டுக்கும் இடையே கடும் போட்டி நிலவியது.

இறுதியில் 12-1 புள்ளிக ளுடன் மனவ்ஜித் சிங் முத லிடம் பிடித்து தங்கப் பதக் கத்தை வென்றார். இதன் மூலம், நான்கு ஆண்டு களுக்குப் பின் உலகக் கோப் பையில் மீண்டும் அவர் பதக்கம் வென்றுள்ளார்.

வெற்றி குறித்து மனவ் ஜித் சிங் கூறுகையில், மைக் கேல் டைமண்டுக்கு எதிராக வெற்றிபெறுவது என்பது மிகவும் சவால் அளிக்கும் விஷயம். இறுதியில் வெற்றி பெற்றதில் மகிழ்ச்சி' என்றார்.

டெக்சாஸ் ஓபன் ஸ்குவாஷ்: அரையிறுதியில் தீபிகா பல்லிகல்

டெக்சாஸ் ஓபன் ஸ்கு வாஷ் போட்டியின் காலிறு தியில் கயானாவின் நிக்கோ லெட் ஃபெர்னாண்டஸை வீழ்த்தி அரையிறுதிக்கு முன் னேறினார் சென்னையைச் சேர்ந்த தீபிகா பல்லிகல்.

அமெரிக்காவின் ஹூஸ் டன் நகரில் நடைபெற்று வரும் இப்போட்டியின் காலி றுதிச் சுற்று வெள்ளிக்கிழமை இரவு நடைபெற்றது.

இதில் தரவரிசையில் 12ஆவது இடத் தில் உள்ள தீபிகா நீண்ட போராட்டத்துக்குப் பின் 11-4, 11-6, 10-12, 10-12, 11-5 என்ற செட் கணக்கில் வெற்றி பெற்றார். அரையிறுதியில் அவர், அயர் லாந்து வீராங்கனை மேட் லின் பெர்ரியை சந்திக்கிறார்.

வெற்றிக்குப் பின் தீபிகா கூறுகையில், இந்த சுற்று கொஞ்சம் கடினமாக இருந் தது. மூன்றாவது செட்டில் நிக்கோலெட் கடின போராட் டத்துக்குப் பின் அந்த செட் டைக் கைப்பற்றினார்.

இறு தியில் என் திட்டம் சரியாக நிறைவேறி வெற்றி பெற்ற தில் மகிழ்ச்சி. மேட்லினுக்கு எதிராக ஆடுவது எப்போதும் சவால் அளிக்கும். இதற்கு முன் அவரை வீழ்த்தியுள் ளேன் என்றாலும் அவர் சிறந்த ஃபார்மில் இருப்ப தால் அடுத்த ஆட்டம் கடின மானதாக இருக்கும் என்றார்.

Add new comment

டெக்சாஸ் ஓபன் ஸ்குவாஷ்: காலிறுதியில் தீபிகா பல்லிகல்

சனி, 12 ஏப்ரல் 2014 17:22

0 COMMENTS

அமெரிக்காவின் ஹூஸ் டன் நகரில் நடைபெற்ற டெக்சாஸ் ஓபன் ஸ்குவாஷ் போட்டியின் காலிறுதிச்சுற் றுக்கு இந்தியாவின் தீபிகா பல்லிகல் முன்னேறியுள்ளார்.

ஹூஸ்டன் நகரில் நடைபெற்ற முதல் சுற்று ஆட்டத்தில் தகுதிச்சுற்றின் மூலம் பிரதான சுற்றுக்கு முன்னேறிய ஆஸ்திரேலி யாவின் உர்குஹர்டை 12-10, 11-8, 11-5 என்ற செட் கணக் கில் வீழ்த்தினார் தீபிகா.

இந்தச் சுற்றின் வெற்றி யைத் தொடர்ந்து அவர் காலிறுதிக்கு முன்னேறி னார். காலிறுதியில் சர்வ தேசத் தரவரிசையில் 19ஆவது இடத்தில் உள்ள கயானா வின் நிகோலெட் ஃபெர் னாண்டஸ தீபிகா எதிர்கொள் கிறார்.

சிங்கப்பூர் ஓபன் பாட்மிண்டன்: அரையிறுதியில் சிறீகாந்த்

சிங்கப்பூர் ஓபன் பாட்மிண்டன் போட்டியின் அரையிறுதிச்சுற்றுக்கு இந்தியாவின் சிறீகாந்த் முன்னேறியுள்ளார். அதே சமயம், இப்போட்டியின் மகளிர் பிரிவிலான காலிறுதி ஆட்டத்தில் பி.வி.சிந்து தோல்வியடைந்தார்.

ஆடவர் பிரிவிலான காலி றுதி ஆட்டம் வெள்ளிக் கிழமை நடைபெற்றது. இதில், ஹாங்காங்கின் ஹு யுனை எதிர்கொண்டார் சிறீகாந்த். சவால் மிகுந்த இந்த ஆட்டத்தின் இறுதி யில் சிறீகாந்த் 17-21, 21-4, 21-19 என்ற செட் கணக்கில் வெற்றி பெற்றார்.

மற்றொரு இந்திய வீர ரான சாய் பிரணீத் 15-21, 15-21 என்ற நேர் செட்களில் சீனா வின் டு பெஞ்சியூவிடம் பின்னடைவைச் சந்தித்தார்.

சர்வதேசத் தரவரிசை யில் முதல் இடத்தில் உள்ள சாங் வீ இந்த ஆட்டத்தில் 21-8, 21-14 என்ற நேர் செட்களில் தாய்லாந்தின் டனோன்சகை வீழ்த்தினார். போட்டித் தரவரிசையில் 8ஆம் இடத்தில் உள்ள பி.வி. சிந்து 19-21, 15-21 என்ற நேர் செட்களில் போட்டித் தரவரி சையில் 2ஆம் இடத்தில் உள்ள சீனாவின் வாங் யிஹ னிடம் வீழ்ந்தார்.

பாட்மிண்டன் போட்டி யில் ஆதிக்கம் செலுத்தி வரும் சீன வீராங்கனைகள், இந்த ஆட்டத்திலும் அதனை வெளிப்படுத்தினர். அரை யிறுதிக்கு முன்னேறிய 4 வீராங்கனைகளுள் 3 பேர் சீனாவைச் சேர்ந்தவர்களா வர். மற்றொரு வீராங்கனை கொரியாவைச் சேர்ந்தவர்.

துபை ஓபன் செஸ் தரவரிசை

துபையில் நடைபெற்று வரும் ஓபன் செஸ் போட்டி யில் இந்தியாவின் அபிஜீத் குப்தா முன்னிலையில் உள் ளார். 16ஆவது துபை சர்வ தேச செஸ் போட்டியின் வெள் ளிக்கிழமை நடைபெற்ற 4ஆம் சுற்று ஆட்டத்தில் அபி ஜீத் குப்தா, ஏமன் நாட்டைச் சேர்ந்த ஹதீம் ஹதரானியை தோற்கடித் தார்.

இதன்மூலம் அவர் 4 புள்ளிகளுடன் முதல் இடத்தில் உள்ளார். இதுவரை நடைபெற்ற 4 சுற்றிகளிலும் அவர் வெற்றி பெற்றுள்ளது குறிப்பிடத்தக்கது. இந்திய வீரர்களில் எம்.ஷியாம் சுந்தர், சால்வகோ, சாஹை குரோ வர், அஸ்வின் ஆகியோர் தலா 3 புள்ளிகளுடன் உள்ளனர்.

சென்னையில் அய்.டி.எப். டென்னிஸ்: இறுதிப்போட்டியில் மேத்தா-பிரார்த்தனா

சென்னை, ஏப்.12- கே.எஸ். நாராயணன் நினைவு பெண் களுக்கான அய்.டி.எப். டென் னிஸ் போட்டி சென்னை எழும்பூரில் உள்ள மேயர் ராதாகிருஷ்ணன் ஸ்டேடியத் தில் நடந்து வருகிறது.

ரூ.6 லட்சம் பரிசுத்தொகைக் கொண்ட இந்த போட்டியில் ஒற்றையர் பிரிவில் நேற்று அரைஇறுதி ஆட்டங்கள் நடந்தன. ஒரு ஆட்டத்தில் இந்திய வீராங்கனை பிரார்த் தனா ஜி.தோம்பரே 6-3, 7-5 என்ற நேர் செட்டில் சக நாட் டவர் நிதி சிலுமுலாவை வீழ்த்தி இறுதிப்போட்டிக் குள் நுழைந்தார்.

மற்றொரு ஆட்டத்தில் ஈடீ மேத்தா (இந்தியா) 3-6, 7-5, 6-3 என்ற செட் கணக்கில் சக வீராங்கனை நடாஷாவை தோற்கடித்து இறுதிப்போட் டிக்கு தகுதி பெற்றார். இன்று பகல் 1.15 மணிக்கு நடக்கும் இறுதி ஆட்டத்தில் மேத்தா-பிரார்த்தனா மோதுகிறார் கள்.

முன்னதாக இரட்டையர் இறுதிசுற்றில் ஷர்மதா-ரிஷிகா (இந்தியா) இணை 6-0, 7-6 (4) என்ற நேர் செட்டில் நடாஷா-பிரார்த்தனாவை சாய்த்து வாகையர் பட் டத்தை வென்றது. ஷர்மதா-ரிஷிகா இணைக்கு கோப் பையுடன் ரூ.18,800 பரிசுத் தொகையும், 12 தரவரிசை புள்ளிகளும் வழங்கப்பட் டன.

Add new comment

சிங்கப்பூர் ஓபன் காலிறுதி: சிறீகாந்த், சிந்து முன்னேற்றம்

வெள்ளி, 11 ஏப்ரல் 2014 16:17

0 COMMENTS

சிங்கப்பூர், ஏப்.11- சிங்கப்பூர் சூப்பர் சீரிஸ் பாட்மிண்டன் போட்டியின் மகளிர் ஒற்றையர் பிரிவு காலிறுதிச் சுற்றுக்கு இந்தி யாவைச் சேர்ந்த டீன் ஏஜ் வீராங்கனை பி.வி.சிந்து முன் னேறினார். ஆடவர் பிரிவில் கிடாம்பி சிறீகாந்த் காலிறுதிச் சுற்றுக்குத் தகுதிபெற்றார்.

சிங்கப்பூரில் நடை பெற்று வரும் இப்போட்டி யின் முதல் சுற்றிலேயே முன் னணி வீராங்கனையான சாய்னா நெவால் தோல்வி யடைந்து வெளியேறினார். வியாழக்கிழமை நடை பெற்ற காலிறுதிக்கு முந் தைய சுற்றில் சிந்துவும், ஜப்பானின் ஷிசுகா உசிதா வும் மோதினர்.

கடந்த ஆண்டு மக்காவ் மற்றும் மலேசிய ஓபனில் பட்டம் வென்ற சிந்து 21-17, 17-21, 21-16 என்ற செட் கணக்கில் வெற்றி பெற்றார். உலக வாகையாளர் போட்டியில் வெண்கலம் வென்ற சிந்து காலிறுதியில் தரவரிசையில் 3-ஆவது இடத்திலுள்ள யிஹான் வங்கை எதிர்கொள்கிறார்.

ஆடவர் பிரிவில் ஆல் இங்கிலாந்து, ஸ்விஸ் ஓபன் மற்றும் இந்தியன் சூப்பர் சீரிஸ் போட்டிகளில் முதல் சுற்றுடன் வெளியேறிய சிறீ காந்த், தரவரிசையில் 10ஆவது இடத்தில் உள்ள டீன் மின்ஹ் குயனை 18-21, 21-15, 21-8 என்ற செட் கணக்கில் தோற் கடித்து காலிறுதிச் சுற்றுக்குத் தகுதி பெற்றார்.

வெள்ளிக்கிழமை நடை பெறவுள்ள காலிறுதியில் சிறீகாந்த், ஹாங்காங்கைச் சேர்ந்த யுன் ஹூவை சந்திக் கிறார்.

முன்னதாக புதன்கிழமை நடைபெற்ற ஆட்டத்தில் காஷ்யப் தோல்வியைத் தழுவினார்.

இரட்டையர் பிரிவில் அருண் விஷ்ணு - ஆல்வின் ஃபிரான்சிஸ் இணை, இந் தோனேஷியாவின் முகமது ஆசன் - ஹேந்திர செடியா வன் இணையிடம் வெற்றி யைப் பறிகொடுத்தது.

சீனியர் டிவிஷன் கால்பந்து: அய்சிஎஃப்- சென்னை மாநகர காவல்துறை சமன்

சென்னை, ஏப்.11- சென்னை கால்பந்து கழகம் - செயின்ட் ஜோசப் இணைந்து நடத்தும் சீனியர் டிவிஷன் கால்பந்து போட்டியின் லீக் ஆட்டத்தில் அய்சிஎஃப், சென்னை மாநகர காவல்துறை அணிகள் மோதிய ஆட்டம் 1-1 என சமனில் முடிந்தது.

சென்னை நேரு மைதா னத்தில் வியாழக்கிழ மை இந்த ஆட்டம் நடைபெற் றது. ஆட்டத்தின் 22ஆவது நிமிடத்தில் அய்சிஎஃப் அணி யின் வெங்கடேசன் ஒரு கோல் அடித்தார். இதற்கு சென்னை மாநகர காவல் துறை அணி உடனடியாக பதிலடி கொடுக்கவில்லை.

இதனால் முதற்பாதியின் போது அய்சிஎஃப் அணி 1-0 என முன்னிலையில் இருந் தது. பிற்பாதி ஆட்டத்தில் சென்னை மாநகர காவல் துறை அணிக்கு கவிபாரதி 59ஆவது நிமிடத்தில் ஒரு கோல் அடித்தார். அதன்பின் இரு அணிகளும் கோல் அடிக்கவில்லை. இதனால் ஆட்டம் சமனில் முடிந்தது.

முன்னதாக நடைபெற்ற முதல் டிவிஷன் ஆட்டத்தில் மெட்ராஸ் யூத் ஃபெஸ்டிவல் அணியை 1-0 என்ற கோல் கணக்கில் மத்திய கலால் அணி தோற்கடித்தது.

வெள்ளிக்கிழமை மாலை 4.30 மணி அளவில் நடைபெறவுள்ள சீனியர் டிவிஷன் லீக் ஆட்டத்தில் இந்தியன் வங்கி - ஹிந்துஸ் தான் ஈகிள்ஸ் அணிகள் மோத வுள்ளன.

கால்பந்து தரவரிசை: இந்தியா முன்னேற்றம்

புதுடில்லி, ஏப்.11- சர்வதேச கால்பந்து கூட்ட மைப்பு (ஃபிஃபா) வெளி யிட்ட தரவரிசையில் இந்தியா 7 இடங்கள் முன்னேறி 145 ஆவது இடத்தைப் பிடித்துள் ளது.

சர்வதேச கால்பந்து உல கில் சிறந்து விளங்கும் அணி களின் பட்டியலை ஃபிஃபா வியாழக்கிழமை வெளியிட் டது. கடந்த ஒரு மாதமாக இந்திய அணி எந்த சர்வதேசப் போட்டியிலும் பங்கேற்க வில்லை.

எனினும் 144 புள்ளிகளைப் பெற்று 152 ஆவது இடத்தில் இருந்து 145ஆவது இடத்துக்கு முன் னேறியது. இந்தியா கடந்த ஆகஸ்ட் மாதம் 145ஆவது இடத்திலும், கடந்த ஆண்டு மார்ச் மாதம் 143ஆவது இடத் திலும் இருந்தது குறிப்பிடத் தக்கது.

ஆசிய நாடுகளில் வியத் நாம் 9 இடங்கள் முன்னேறி 116-வது இடத்தைப் பிடித் துள்ளது. ஆஃப்கானிஸ்தான் முதன்முறையாக 122ஆவது இடத்துக்கு முன்னேறி யுள்ளது. ஆசிய நாடுகளில் ஈரான் மட்டுமே 47ஆவது இடத்தில் உள்ளது. ஸ்பெயின் முதலி டத்தில் நீடிக்கிறது.

Add new comment

சிங்கப்பூர் ஓபன் பேட்மிண்டன்: முதல் சுற்றுடன் சாய்னா வெளியேற்றம்

வியாழன், 10 ஏப்ரல் 2014 15:49

0 COMMENTS

சிங்கப்பூர், ஏப். 10- சிங் கப்பூர் சூப்பர் சீரிஸ் பேட் மிண்டன் போட்டி சிங்கப்பூ ரில் நேற்று தொடங்கியது. இதில் பங்கேற்ற இந்திய நட்சத்திர வீராங்கனை சாய்னா நேவால் தனது முதல் சுற்றில் ஜப்பானின் எரிக்கோ ஹிரோசுடன் மோதினார். 1 மணி 2 நிமிடங்கள் போராடிய சாய்னா 21-16, 15-21, 11-21 என்ற செட் கணக்கில் தோற்று வெளி யேறினார்.

சர்வதேச அரங்கில் தொடர்ந்து தடுமாறி வரும் 8ஆம் நிலை வீராங்கனை யான சாய்னா, தன்னை விட தரவரிசையில் பின்தங்கிய (15ஆவது இடம்) வீராங்க னையிடம் பணிந்து இருப் பது குறிப்பிடத்தக்கது.

ஆண்கள் ஒற்றையர் முதல் சுற்றில் இந்தியாவின் காஷ்யப் 21-16, 15-21, 20-22 என்ற செட் கணக்கில் கொரி யாவின் டோங்க் கியூன் லீயி டம் தோல்வியை தழுவினார். ஜூவாலா கட்டாஅஸ்வினி இணையும் முதல் தடையை கடக்கவில்லை.

அதே சமயம் மற்றொரு இந்திய வீராங்கனை பி.வி. சிந்து தன்னை எதிர்த்த இந் தோனேஷியாவின் மிலிசென்ட் விரான்டோவை 21-9, 19-21, 22-20 என்ற செட் கணக்கில் வீழ்த்தி 2ஆவது சுற்றுக்கு முன்னேறினார். சிறீகாந்த், சாய் பிரனீத், பிரனாய், துளசி ஆகிய இந்தியர்களும் தங்க ளது ஆட்டங்களில் வெற்றி கண்டனர்.

இந்திய ஹாக்கி அணி நெதர்லாந்து பயணம்

உலகக் கோப்பைக்குத் தயாராகும் முயற்சியில் இறங் கியுள்ள இந்திய ஹாக்கி அணி உலகக் கோப்பை நடைபெறவுள்ள நெதர் லாந்துக்கு புதன்கிழமை புறப்பட்டுச் சென்றது.

இந்திய ஹாக்கி அணி யின் பயிற்சியாளராக டெர்ரி வால்ஷ் நியமிக்கப்பட்ட பின், இந்திய அணிக்கு பல்வேறு விதங்களில் அவர் பயிற்சியளித்து வருகிறார். நெதர்லாந்தில் மே 31 முதல் ஜூன் 15 வரை உலகக் கோப்பை ஹாக்கி போட்டி நடைபெறவுள்ளது. இப் போதிருந்தே தயாரானால் தான் உலகக் கோப்பையை வெல்ல முடியும் என இந் திய அணி தீவிர பயிற்சியில் இறங்கியுள்ளது.

அதன் ஒரு பகுதியாக, போட்டி நடைபெறவுள்ள நெதர்லாந்திலேயே பயிற்சி மேற்கொள்வது என முடி வெடுக்கப்பட்டது. அய்ரோப் பிய ஆடுகளங்கள் மற்றும் அங்குள்ள சூழலை எளிதில் புரிந்துகொள்வது இந்திய அணிக்கு உலகக் கோப்பை யில் கைகொடுக்கும் என நம்பப்படுகிறது.

நடுகள வீரரான சர்தார் சிங் தலைமையில் 21 வீரர்க ளுடன் இந்திய அணி நெதர் லாந்து சென்றது. ஏப்ரல் 19ஆம் தேதி வரை நெதர் லாந்தில் தங்கி இருக்கும் இந்திய அணி 5 பயிற்சி ஆட் டங்களில் பங்கேற்கிறது.

இதில் இரண்டு ஆட்டங்கள் நெதர்லாந்துக்கு எதிரானவை. மற்ற இரண்டு ஆட்டங்க ளில் நெதர்லாந்து கிளப் அணிகளுடன் மோதவுள் ளன. தவிர, பெல்ஜியம் அணி யுடனும் பயிற்சி ஆட்டத் தில் பங்கேற்கின்றன.

துப்பாக்கிச் சுடுதல்: வீராங்கனை ஹீனா சாதனை

இந்திய துப்பாக்கிச் சுடுதல் வீராங்கனை 24 வயதான ஹீனா சித்து, கடந்த மாதம் நடந்த ஆசிய ஏர் கன் வாகை யர் பட்டப் போட்டியில் தங் கப்பதக்கத்தை வென்று அசத் தினார். அமெரிக்காவில் நடந்த உலக போட்டியில் வெள்ளிப் பதக்கத்தை கைப்பற்றினார்.

தொடர்ச்சியான வெற்றி களை குவித்து வரும் பஞ் சாப்பை சேர்ந்த ஹீனா சித்து (1,699 புள்ளி), துப்பாக்கிச் சுடு தல் தரவரிசையில் பெண்களுக் கான 10 மீட்டர் ஏர் பிஸ்டல் பிரிவில் நம்பர் ஒன் இடத்தை பிடித்துள்ளார்.

இதன் மூலம் நம்பர் ஒன் இடத்தை பிடித்த முதல் இந்திய பிஸ்டல் துப் பாக்கிச் சுடுதல் வீராங்கனை என்ற சிறப்பை அவர் பெற் றுள்ளார். உலக வாகையர் செர்பியாவின் ஜோரனா அரு னோவிச் 2ஆவது இடத்திலும், சீனாவின் வென்ஜூன் குவோ 3ஆவது இடத்திலும் உள்ளனர்.

சென்னை டென்னிஸ் காலிறுதியில் ரிஷிகா

சென்னையில் நடை பெற்று வரும் கே.எஸ்.நாரா யணன் நினைவு அய்டிஎஃப் மகளிருக்கான டென்னிஸ் போட்டியின் காலிறுதிக்கு ரிஷிகா சுங்கரா முன்னேறினார்.

எழும்பூரில் உள்ள மேயர் ராதாகிருஷ்ணன் மைதானத் தில் புதன்கிழமை நடை பெற்ற இப்போட்டியின் காலிறுதிக்கு முந்தைய சுற் றில் போட்டித் தரவரிசையில் 3ஆவது இடத்தில் உள்ள ரிஷிகா, ஸ்வேதா சிறீயை எதிர் கொண்டார். இதில் ரிஷிகா வெற்றி பெற்று காலிறுக்குள் நுழைந்தார்.

Add new comment

ஹாக்கி: பஞ்சாப் அணி வாகை சூடியது

திங்கள், 07 ஏப்ரல் 2014 16:37

0 COMMENTS

ஹாக்கி என்றாலே நாங்கள் தான் கிங் என்பதை மீண்டும் நிரூபித்து விட்டனர் பஞ்சாபி கள். 4ஆவது தேசிய ஜூனியர் ஆடவர் ஹாக்கி வாகையர் பட்டம் போட்டியில் ஒடிசாவை வீழ்த்தி 3ஆவது முறையாக வாகையர் பட்டத்தைக் கைப் பற்றியது பஞ்சாப்.

சென்னையில் உள்ள மேயர் ராதாகிருஷ்ணன் ஹாக்கி மைதானத்தில் ஞாயிற்றுக் கிழமை பஞ்சாப் அணிக்கும் ஒடிசா அணிக்கும் இடையே இறுதிச்சுற்று நடைபெற்றது. திடகாத்திரமான உடல்வாகு டன் கூடிய பஞ்சாப் வீரர்கள், ஒடிசலான உடல்வாகுடன் கூடிய ஒடிசாவை எளிதில் தோற்கடிப்பர் என எதிர் பார்க்கப்பட்டது.

அதுபோலவே பஞ்சாப் 6-2 என்ற கோல் கணக்கில் வெற்றி பெற்றது. ஆனால், தமிழகம், டில்லி அணிகளைப் போல் அல்லாமல் வீழ்வதற்கு முன் ஒடிசா கடும் போராட் டத்தை வெளிப்படுத்தியது.

முதல் பத்து நிமிடங்கள் ஆட்டத்துக்குள் தங்களை முழுவதுமாக ஒடிசா வீரர்கள் ஈடுபடுத்துவதற்குள் பஞ் சாப் வீரர்கள் சுறுசுறுப்பாக 2 கோல்களை அடித்தனர். ஆட்டத்தின் முதல் நிமிடத் திலேயே பஞ்சாப் அணிக்கு கிடைத்த பெனால்டி கார்னர் வாய்ப்பை கோலாக மாற் றினார் ஹர்ஜீத் சிங். அடுத்த சிம்ரன் ஜித் சிங் ஒரு ஃபீல்டு கோல் அடித்தார்.

முதல் 15 நிமிடங்களுக்குள் ஒடிசா அணிக்கு இரண்டு பெனால்டி கார்னர் மற்றும் பெனால்டி ஸ்டோக் வாய்ப்பு கிடைத்தன. ஆனால், இதை ஒடிசா வீரர்கள் கோலாக மாற்றத் தவறியதன் விளைவு அந்த அணி கோப் பையை இழந்து நின்றது.

தொடர்ந்து ஆதிக்கம் செலுத்திய ஒடிசா அணிக்கு சுனில் எக்கா ஒரு கோல் அடித் தார். முற்பாதி ஆட்டத்தில் பஞ்சாப் 2-1 என முன்னிலை யில் இருந்தது.

பிற்பாதி ஆட்டத்திலும் ஒடிசா வீரர்களே பந்தை தங் கள் கட்டுப்பாட்டில் வைத் திருந்தனர். ஆனால், கடைசி 20 நிமிடத்தில் பஞ்சாப் அணி அடுத்தடுத்து இரண்டு கோல் களை அடித்தது. அதுவரை துடிப்பாக இருந்த ஒடிசா வீரர்களின் கால்கள் சோர் வைத் தழுவிக் கொண்டன. விளைவு பஞ்சாப் தன் ஆதிக் கத்தை நிலைநாட்டி 6-2 என வெற்றி வாகை சூடி நடப்பு வாகையர் பட்டத்தைத் தக்க வைத்துக் கொண்டது.

முன்னதாக நடைபெற்ற 3 வது இடத்துக்கான ஆட்டத் தில் ஹரியாணா அணி 7-3 என்ற கோல் கணக்கில் சாய் (இந்திய விளையாட்டு ஆணை யம்) அணியை வீழ்த்தியது.

இந்திய ஓபன் பாட்மிண்டன் போட்டி

புதுடில்லி, ஏப். 7- இந்திய ஓபன் பாட்மின்டன் ஒற்றை யர் பிரிவில், மலேசிய வீரர் சோங் வெய் லீ வாகையர் பட்டம் வென்றார். பெண்கள் ஒற்றையரில் சீனாவின் ஷிஜி யன் வாங் வாகையர் பட் டத்தை கைப்பற்றினார்.

டில்லியில், இந்திய ஓபன் சூப்பர் சீரிஸ் பாட்மின்டன் தொடர் நடந்தது. இதன் ஆண்கள் ஒற்றையர் பிரிவு இறுதிச் சுற்றில், மலேசியா வின் சோங் வெய் லீ, சீனா வின் லாங் சென் மோதினர். அபாரமாக ஆடிய சோங் வெய் லீ, 55 நிமிடங்கள் வரை நீடித்தஇறுதிசுற்றின் முடிவில் 21-13, 21-17 என்ற நேர் செட் கணக்கில் வெற்றி பெற்று வாகையர் பட்டத்தை கைப் பற்றினார்.

பெண்கள் ஒற்றையர் இறுதிச் சுற்றில், சீனாவின் ஷிஜியன் வாங், ஜியுருய் லீ மோதினர். 47 நிமிடங்கள் வரை சென்ற இறுதிசுற்றின் முடிவில், அசத்தலாக ஆடிய ஷிஜியன் வாங் 22-20, 21-19 என்ற நேர் செட் கணக்கில் வெற்றி பெற்று வாகையர் பட்டம் வென்றார்.

இத்தொட ரில் இந்தியா சார்பில் பங் கேற்ற செய்னா நேவல், காஷ் யப் காலிறுதி வரை முன்னே றினர். மற்றொரு இந்திய வீராங்கனை சிந்து, முதல் சுற்றோடு வெளியேறினார்.

டேவிஸ் கோப்பை: உலக ப்ளே ஆஃப் சுற்றுக்கு இந்தியா தகுதி

டேவிஸ் கோப்பை போட்டியின் ஆசியா-ஓசினியா பிரிவின் 2ஆம் சுற்று ஆட்டத்தில் தென் கொரிய அணியை வீழ்த்தி உலகப் பிரிவு ப்ளே ஆஃப் சுற்றுக்கு இந்திய அணி முன்னேறியது.

தென் கொரியாவின் புசன் நகரில் நடைபெற்ற இப்போட்டியில் இந்திய அணி 3-1 என்ற கணக்கில் வெற்றி பெற்றது. முதல் 2 நாள் ஆட்டதின் முடிவில் இந்திய அணி 2-1 என்ற புள்ளிக் கணக்கில் முன்னிலையில் இருந்தது.

தொடர்ந்து, ஞாயிற்றுக்கிழமை நடைபெற்ற முதல் ஒற்றையர் பிரிவில் சோம்தேவ் தேவ்வர்மன் 6-4, 5-7, 6-3, 6-1 என்ற செட் கணக்கில் யாங் கியூ லிம்மை வீழ்த்தினார். இந்திய அணி 3-1 என்ற புள்ளிக் கணக்கில் வெற்றி பெற்றதால், அடுத்த ஒற்றையர் பிரிவு ஆட்டம் ரத்து செய்யப்பட்டது.

ப்ளே ஆஃப் சுற்று: உலகப் பிரிவு ப்ளே ஆப் சுற்றுக்கு முன்னேறிய 8 அணிகளுள் இந்திய அணியும் ஒன்றாகும். இந்த அணிகள், உலகப் பிரிவு பிரதான முதல் சுற்றில் தோல்வியைத் தழுவிய 8 அணிகளுடன் மோதும்.

இந்த ஆட்டம் வரும் செப்டம்பர் 12ஆம் தேதி முதல் 14ஆம் தேதி வரை பல்வேறு நாடுகளில் நடைபெற உள்ளது.

இந்த ப்ளே ஆஃப் சுற்றில் இந்தியா வெற்றி பெறும் பட்சத்தில், 2015ஆம் ஆண்டுக்கான உலகப் பிரிவு பிரதான முதல் சுற்றுக்கு இந்தியா தகுதி பெறும்.